2 Na Jesua,+ pikinini man bilong Jehosadak, na ol arapela pris, na Serubabel,+ pikinini man bilong Sealtiel,+ na ol wanblut bilong em, ol i wokim alta bilong God bilong ol Israel. Ol i wokim dispela alta bilong ol i ken mekim ol sakrifais bilong paia i kukim olgeta antap long en. Ol i mekim olsem bilong bihainim tok i stap long Lo Bilong Moses,+ em wokman bilong God tru.

1 Long namba 2 yia bilong King Darius, long de namba 1 bilong namba 6 mun, Jehova i givim tok bilong em long profet Hagai.*+ Na em i autim dispela tok long Serubabel,+ gavana bilong Juda, em pikinini man bilong Sealtiel, na long hetpris Josua, pikinini man bilong Jehosadak. Em i tok olsem: