• Aisaia 6:9, 10
    Nupela Taim Trenslesen Bilong Ol Skripsa Holi

    •  9 Na em i tok, “Go, na tok olsem long ol dispela manmeri:

      ‘Yupela bai harim tok gen na gen,

      Tasol yupela bai i no inap kliagut;

      Yupela bai lukim gen na gen,

      Tasol yupela bai i no inap kisim wanpela save.’+

      10 Mekim bel bilong ol dispela manmeri i pas,+

      Mekim yau bilong ol i harim tok, tasol ol i no inap mekim wanpela samting,+

      Na pasim ai bilong ol,

      Na bai ai bilong ol i no inap lukim samting

      Na yau bilong ol i harim tok,

      Tasol bel bilong ol i no inap kisimgut tok

      Na bai ol i no tanim i kam bek na kamap orait.”+

  • Aposel 28:26, 27
    Nupela Taim Trenslesen Bilong Ol Skripsa Holi

    • 26 Olsem, ‘Go long ol dispela manmeri na tok: “Yau bilong yupela bai harim tok, tasol yupela bai i no kisimgut mining bilong en. Na ai bilong yupela bai lukluk, tasol yupela bai i no lukim ol samting.+ 27 Long wanem, bel bilong ol dispela manmeri i pas, na long yau ol i harim tok, tasol ol i no mekim wanpela samting. Na ol i pasim pinis ai bilong ol, nogut ai bilong ol i lukim samting na yau bilong ol i harim tok na bel bilong ol i kisimgut tok na ol i tanim i kam bek, na mi mekim ol i kamap orait.”’+