14 Na yupela i askim olsem, ‘Bilong wanem yu mekim olsem?’ As bilong dispela i olsem, Jehova i gat tok long yu, long wanem, yu bin brukim tok promis yu bin mekim wantaim meri bilong yu em yu bin maritim long taim yupela i yangpela. Meri i poroman bilong yu na taim yu maritim em, yu wokim kontrak wantaim em.+

32 Tasol mi tokim yupela olsem, sapos meri i no mekim pasin pamuk* na man bilong em i katim nating marit, orait dispela inap mekim meri i pundaun long pasin adaltri.* Na sapos wanpela man i maritim meri em man bilong em i bin katim nating marit wantaim em, orait dispela man i mekim pasin adaltri.+

11 Na em i tokim ol: “Man i katim marit na maritim narapela meri, dispela man i mekim pasin adaltri,*+ na em i rongim meri bilong em. 12 Na sapos meri i katim marit na lusim man bilong em na maritim narapela, em i mekim pasin adaltri.”*+

18 “Man i katim marit na maritim narapela, em i mekim pasin adaltri,* na man i maritim meri em marit bilong em i bruk olsem, orait dispela man i mekim pasin adaltri.+

3 Olsem na sapos man bilong em i stap laip yet na meri i maritim narapela man, ol bai tok dispela meri i mekim pasin adaltri.*+ Tasol sapos man bilong em i dai, orait meri i no stap aninit moa long lo bilong man bilong em. Na sapos em i maritim narapela man, em i no mekim pasin adaltri.+

10 Mi givim tok long ol manmeri marit, tasol em i no tok bilong mi, em tok bilong Bikpela. Mi tok olsem maritmeri i no ken lusim man bilong em.+

4 Olgeta manmeri i mas tingim marit olsem samting i dia tumas. Marit i mas i stap klin,+ long wanem, God bai kotim ol manmeri i mekim pasin pamuk* na pasin adaltri.*+