• Matyu 9:14, 15
    Nupela Taim Trenslesen Bilong Ol Skripsa Holi

    • 14 Orait ol disaipel bilong Jon i kam na askim em: “Bilong wanem mipela wantaim ol Farisi i save bihainim pasin bilong tambu long kaikai, tasol ol disaipel bilong yu i no save tambu long kaikai?”+ 15 Jisas i tokim ol: “I no gat as na ol pren bilong man i laik marit+ i krai sori taim dispela man i stap yet wantaim ol, a? Tasol bihain ol man bai kam kisim dispela man i laik marit,+ na long dispela taim ol pren bai tambu long kaikai.

  • Mak 2:18-20
    Nupela Taim Trenslesen Bilong Ol Skripsa Holi

    • 18 Ol disaipel bilong Jon na ol Farisi i save bihainim pasin bilong tambu long kaikai. Orait ol disaipel bilong Jon i kam na tokim em olsem: “Bilong wanem mipela na ol disaipel bilong ol Farisi i save bihainim pasin bilong tambu long kaikai, tasol ol disaipel bilong yu i no save bihainim pasin bilong tambu long kaikai?”+ 19 Na Jisas i tokim ol: “Taim man i laik marit+ i stap wantaim ol pren bilong em, i no gat as na ol i tambu long kaikai, a? Yes, taim dispela man i laik marit i stap yet wantaim ol, ol i no inap tambu long kaikai. 20 Tasol bihain ol man bai kam kisim dispela man i laik marit,+ na long dispela taim ol pren bai tambu long kaikai.