23 Orait em i kamap long haus bilong dispela hetman na taim em i go insait, em i lukim ol man bilong winim flut, na bikpela lain manmeri ol i mekim nois i stap.+ 24 Na Jisas i tok: “Lusim dispela ples, dispela liklik gel i no dai, em i slip tasol.”+ Na ol i lap long em. 25 Taim bikpela lain manmeri i go ausait pinis, em i go insait na holim han bilong liklik gel+ na liklik gel i kirap.+ 26 Stori bilong dispela samting i go nabaut long dispela hap olgeta.

38 Ol i kamap long haus bilong hetman bilong sinagog na Jisas i harim bikpela nois na ol manmeri i krai na bikmaus planti.+ 39 Em i go insait na tokim ol: “Bilong wanem yupela i mekim bikpela nois na krai? Pikinini i no dai, em i slip tasol.”+ 40 Na ol i lap long em. Tasol em i salim ol i go ausait na em i kisim papa na mama bilong pikinini, wantaim lain i stap wantaim em, na em i go insait long hap pikinini i stap long en. 41 Em i kisim han bilong pikinini na tokim em: “Talita kumi,” mining bilong en i olsem: “Liklik gel, mi tokim yu, kirap!”+ 42 Wantu dispela gel i kirap sanap na wokabaut. (Em i gat 12-pela krismas.) Papamama bilong em i amamas nogut tru. 43 Tasol Jisas i tokim ol planti taim* olsem ol man i no ken save long dispela samting,+ na em i tok ol i mas givim sampela kaikai long dispela gel.

11 Em i mekim ol dispela tok pinis na em i tokim ol: “Pren bilong yumi Lasarus, em i slip.+ Tasol mi bai go long hap na kirapim em.”

60 Em i nildaun na singaut strong olsem: “Jehova,* no ken kotim ol long dispela sin ol i mekim.”+ Em i mekim dispela tok pinis, na em i dai.*

36 Taim Devit i stap laip em i bin mekim wok bilong God.* Na bihain Devit i dai* na ol i planim em long hap ol tumbuna bilong em i stap long en, na bodi bilong em i sting na bagarap.+