27 “‘Na ol manmeri holi bilong Nambawan God Antap Tru+ i kisim kingdom na wok bos na biknem bilong ol kingdom long olgeta hap bilong graun. Kingdom bilong ol i bilong stap oltaim oltaim,+ na olgeta kingdom bai stap aninit long ol na bihainim tok bilong ol.’

28 “Yupela i bin pas wantaim mi+ taim ol traim i painim mi.+ 29 Na mi mekim kontrak wantaim yupela long wanpela Kingdom, olsem Papa i bin mekim wanpela kontrak wantaim mi long wanpela Kingdom.+ 30 Na yupela i ken kaikai na dring long tebol bilong mi long Kingdom bilong mi,+ na sindaun long ol sia king+ na stap olsem jas na skelim 12-pela traib bilong Israel.+

28 Yumi bai kisim wanpela Kingdom i no inap guria, olsem na yumi mas kisim yet bikpela pasin helpim, na long dispela rot yumi inap mekim wok bilong God long pasin em i orait long en, na mekim wantaim pret na pasin bilong daun tru long em.

5 Ol brata mi laikim tumas, harim. Ol man i stap rabis long ai bilong ol man bilong graun, God i makim ol long kamap olsem ol man i pulap tru long bilip.+ Na em i makim ol tu long kisim Kingdom, em promis em i bin mekim long ol man husat i laikim em.+ Dispela em tru, a?

6 na em i mekim yumi i kamap ol king+ na ol pris+ bilong God na Papa bilong em—yes, em i ken kisim glori na strong inap oltaim oltaim. Amen.