46 Ol disaipel i kirap toktok i go i kam long husat namel long ol i nambawan na i winim ol arapela.+ 47 Jisas i save long tingting i stap long bel bilong ol, na em i kisim wanpela liklik pikinini na sanapim em klostu long em 48 na tokim ol: “Man i tingim nem bilong mi na mekim gut long dispela liklik pikinini, em i mekim gut long mi tu; na man i mekim gut long mi, em i mekim gut tu long Man i salim mi i kam.+ Man i save daunim em yet namel long yupela, dispela man em i nambawan.”+