24 “Orait man i harim ol dispela tok bilong mi na bihainim, em i olsem man i gat savetingting na i wokim haus bilong em antap long bikpela ston.+ 25 Na bikpela ren i pundaun na wara i tait na win i sakim strong dispela haus, tasol haus i no pundaun. Long wanem, haus i sanap antap long bikpela ston.

28 Tasol Jisas i tok: “Nogat. Ol man i harim tok bilong God na bihainim, ol i ken amamas!”+

25 Tasol man husat i save lukluk gut long dispela lo i gutpela olgeta+ na i mekim man i kamap fri, na em i save mekim long olgeta taim, em i no man bilong harim nating tok na bihain lusim tingting long en, nogat, em i kamap man bilong mekim wok; em bai amamas long samting em i mekim.+