12 Yupela i ken belgut na amamas tru,+ long wanem, pe bilong yupela+ long heven bai i bikpela tru. Ol man i bin mekim ol wankain pasin long ol profet i bin stap paslain long yupela.+

25 Tasol klostu long biknait, Pol na Sailas i wok long beten na mekim ol singsing bilong litimapim nem bilong God,+ na ol arapela kalabusman i harim i stap.

3 Na i no dispela tasol, yumi mas amamas* taim yumi karim pen na hevi,+ long wanem, yumi save olsem pasin bilong karim pen na hevi i save kamapim pasin bilong sanap strong;+

10 Olsem na mi tingim Krais na mi amamas long ol samting mi no gat strong long en, long ol tok ol man i sutim long mi, long taim mi sot long ol samting, long taim ol man i mekim nogut long mi na long taim mi karim ol hevi. Taim mi no gat strong, long dispela taim mi gat strong tru.+

29 Long wanem, yupela i kisim gutpela samting, olsem yupela i ken bilip long Krais, na tu, yupela i ken karim pen na hevi long nem bilong em.+

34 Yupela i bin sori long ol brata i stap long kalabus na yupela i no bel hevi taim ol man i stilim ol samting bilong yupela.+ Yupela i save olsem yupela i gat samting i gutpela moa na i bilong i stap oltaim.+

13 Yupela i mas amamas i stap,+ long wanem, yupela i poroman wantaim Krais long pen em i karim.+ Na yupela bai amamas na belgut taim glori bilong em i kamap ples klia.+