23 Orait em i kamap long haus bilong dispela hetman na taim em i go insait, em i lukim ol man bilong winim flut, na bikpela lain manmeri ol i mekim nois i stap.+ 24 Na Jisas i tok: “Lusim dispela ples, dispela liklik gel i no dai, em i slip tasol.”+ Na ol i lap long em.

39 Jisas i tok: “Rausim ston i go.” Marta, em susa bilong dispela man i dai, i tokim em: “Bikpela, nau em namba 4 de, na bodi bai smel.” 40 Jisas i tokim em: “Mi bin tokim yu pinis olsem sapos yu bilip, yu bai lukim glori bilong God.”+

39 Orait Pita i kirap na i go wantaim ol. Na taim em i kamap long hap, ol i kisim em i go long rum antap. Na olgeta wido i krai na soim ol klos na saket samting em Dorkas i bin wokim taim em i stap laip yet. 40 Tasol Pita i tokim olgeta long i go ausait,+ na em i brukim skru na beten. Na em i tanim i go long bodi, na em i tok: “Tabita, yu kirap!” Tabita i opim ai bilong em, na taim em i lukim Pita, em i kirap sindaun.+