4 Holi spirit i tok klia olsem, long bihain sampela man bai lusim bilip. Ol bai putim yau long ol tok giaman i kam long ol spirit+ na long skul i kam long ol spirit nogut.

3 Long wanem, wanpela haptaim bai kamap na ol man bai les long ol gutpela tok.+ Ol bai bihainim laik bilong ol yet na kisim ol tisa husat bai mekim ol tok em yau bilong ol i sikirap long harim.*+ 4 Ol bai i no laik harim moa tok i tru, nogat, ol bai i gat laik long putim yau long ol giaman stori.

18 Ol liklik pikinini, taim i laik pinis, na yupela i bin harim tok long antikrais* bai kam,+ tasol nau yet i gat planti antikrais i kamap pinis.+ Dispela i givim save long yumi olsem taim i laik pinis. 19 Ol i lusim yumi, ol i no bilong lain bilong yumi,+ long wanem, sapos ol i bilong lain bilong yumi, ol bai stap yet wantaim yumi. Tasol ol i lusim yumi na dispela i soim ples klia olsem i no olgeta man i bilong lain bilong yumi.+