12 Orait Samuel i tokim ol Israel olsem: “Mi mekim pinis* olgeta samting em yupela i askim mi long mekim, na mi makim wanpela king bilong bosim yupela.+

3 Nau mi sanap i stap long ai bilong yupela. Sapos mi bin mekim wanpela rong, orait yupela i mas tokaut stret long ai bilong Jehova na man em i bin anointim.*+ Ating mi bin kisim bulmakau man o donki bilong wanpela man, a?+ O ating mi bin giamanim wanpela man na stilim ol samting bilong em, a? O ating mi bin mekim nogut long wanpela man? Ating mi bin larim wanpela man i givim braib* long mi bilong paulim kot?+ Sapos mi bin mekim wanpela bilong ol dispela samting, orait nau bai mi bekim dispela samting long yupela.”+

8 Yupela i mas oraitim ol sikman,+ kirapim bek ol daiman, mekim ol lepraman i kamap klin, na rausim ol spirit nogut. Yupela i kisim fri, olsem na yupela i mas givim fri.

11 Sapos mipela i bin planim ol samting bilong God namel long yupela, orait yupela i ting i no stret mipela i kisim ol samting bilong helpim bodi bilong mipela long han bilong yupela?+ 12 Sapos ol arapela i gat rait long kisim ol samting long han bilong yupela, orait mipela i gat rait moa yet long kisim ol samting long yupela. Tasol ol samting mipela i gat rait long kisim long yupela, mipela i no kisim.+ Maski wanem wanem samting i painim mipela, mipela i sanap strong, bai mipela i no ken pasim rot bilong autim gutnius i stori long Krais.+

2 Yupela i mas larim spes long lewa bilong yupela inap long mipela.+ Mipela i no bin rongim wanpela, na mipela i no bagarapim wanpela, na mipela i no bin giamanim wanpela man bilong helpim mipela yet.+

7 Wasman em i bosboi i mekim wok bilong God, olsem na em i mas i stap man em ol arapela i no inap sutim tok long em, na em i no ken tingim laik bilong em yet tasol,+ em i no ken belhat kwik,+ em i no ken spak, em i no ken paitim ol arapela,* na em i no ken mekim ol samting long pasin gridi bilong helpim em yet.