4 Yumi bin baptais na pas wantaim em long dai bilong em,+ na i olsem God i planim yumi wantaim em. Na long dispela rot, wankain olsem Papa i bin mekim wok long strong* bilong em bilong kirapim bek Krais long dai, yumi tu i mas wokabaut long nupela laip.+

18 Krais yet em i stretpela man na em i bin i dai wanpela taim tasol bilong kisim bek ol man nogut long ol sin bilong ol.+ Em i mekim olsem bilong bringim ol i go long God.+ Long graun em i stap man, na ol i kilim em i dai,+ tasol em i kirap bek na i stap spirit long heven.+