17 Olsem na sapos yumi stap pikinini, orait yumi stap tu olsem ol pikinini bilong kisim ol samting bilong papa. Yumi stap lain bilong kisim ol samting long God, na yumi kamap wanlain wantaim+ Krais na kisim ol samting long papa. Sapos yumi karim pen na hevi wantaim+ Krais, orait yumi bai kisim glori wantaim em tu.+

5 Long ol lain i bin stap long bipo, God i no bin kamapim klia dispela tok hait long ol. Tasol nau long rot bilong holi spirit, em i kamapim klia long ol aposel holi na ol profet bilong em,+ 6 olsem ol man bilong ol arapela lain bai kamap wanlain wantaim mipela bilong kisim ol samting bilong papa, na ol i kamap ol hap bilong wanpela bodi wantaim mipela, na ol bai kisim ol samting bilong promis wantaim mipela.+ Dispela i kamap long rot bilong ol i pas wantaim Krais Jisas na long rot bilong gutnius.