3 Taim mi laik i go long Masedonia, mi bin strongim yu long stap bek long Efesus, na nau tu mi mekim olsem bai yu ken tokim sampela man long ol i no ken skulim ol man long ol bilip giaman. 4 Na ol i no ken putim yau long ol giaman stori+ na skelim ol lista bilong ol nem bilong ol tumbuna. Ol dispela samting i no gat gutpela wok bilong ol,+ ol bai kamapim ol askim tasol na i no kamapim ol samting i kam long God bilong strongim bilip.

7 Tasol sakim ol giaman stori,+ em ol kain stori ol lapun meri i save autim. Mobeta yu trenim yu yet long kamapim pasin bilong givim bel tru long God, dispela i ken stap olsem mak yu laik winim.

9 Tasol yu mas givim baksait long ol kranki tok na long ol lista bilong ol nem bilong ol tumbuna na long pasin bilong kros na ol tok pait long ol tok bilong Lo, long wanem, ol dispela samting i no inap helpim man na ol i samting nating.+