38 “Olsem na ol brata, yupela i mas save olsem long rot bilong dispela man, mipela i tokaut olsem ol sin bilong yupela i ken tekewe.+ 39 Na long rot bilong em, olgeta man husat i bilip, God inap tok ol i no gat asua.+ Tasol Lo Bilong Moses+ i no inap tekewe asua bilong yupela.

15 Yumi ol lain husat i bin kamap long lain Juda, na yumi no olsem ol sinman bilong ol arapela lain, 16 yumi save olsem man i bilip long Jisas Krais+ na long dispela rot tasol God inap kolim em stretpela man,+ na i no long rot bilong bihainim lo, nogat. Yumi tu i bilip long Krais Jisas bambai God i ken kolim yumi stretpela man long rot bilong dispela bilip long Krais, na i no long rot bilong bihainim lo. Long wanem, i no gat wanpela man inap kamap stretpela man long pasin bilong bihainim lo.+

10 Lo i olsem sedo tasol+ bilong ol gutpela samting bai kamap bihain,+ tasol Lo yet i no ol dispela gutpela samting, nogat, na em* i no inap tru long mekim ol manmeri i lotuim God i kamap gutpela olgeta long rot bilong ol wankain sakrifais ol man i save mekim long olgeta yia.+