6 Na God i tok moa olsem: “Mi God bilong ol tumbuna* bilong yu. Mi God bilong Abraham,+ na God bilong Aisak,+ na God bilong Jekop.”+ Taim Moses i harim dispela tok, em i karamapim pes bilong em, long wanem, em i pret long lukim God tru.

15 Orait God i tokim Moses olsem:

“Yu mas tok olsem long ol Israel, ‘Jehova, em God bilong ol tumbuna papa bilong yupela, em God bilong Abraham,+ God bilong Aisak,+ na God bilong Jekop,+ i salim mi na mi kam long yupela.’ Dispela em i nem bilong mi inap oltaim oltaim,+ na ol lain pipol i kamap bihain bihain i mas tingim mi long dispela nem.