24 Wokboi bilong Bikpela i no gat wok long pait, nogat. Em i gat wok long isi long olgeta man,+ na save gut long skulim ol man, na bosim gut em yet taim narapela i rongim em.+ 25 Long pasin isi em i mas skulim ol man bilong sakim tok.+ Na ating God bai larim ol i tanim bel* na bai ol i ken kisim stretpela save long tok i tru.+

3 Yu mas wok yet long kirapim tingting bilong ol long ol i mas daun long ol gavman na long ol man i gat namba na ol i mas bihainim tok bilong ol.+ Na ol i mas redi long mekim olgeta kain gutpela wok. 2 Ol i no ken mekim tok nogut long wanpela man, na ol i no ken tok pait. Ol i mas redi long bihainim tingting bilong narapela,+ na ol i mas kamapim tru pasin bilong isi long olgeta man.+