5 Na insait long paia, i gat 4-pela samting i gat laip+ na lukluk bilong ol i olsem man. 6 Olgeta wan wan i gat 4-pela pes na 4-pela wing.+ 7 Lek bilong ol i stap stret na i luk olsem lek bilong pikinini bulmakau, na ol i lait tru olsem lait bilong kopa em ol i bin polisim gut tru.+ 8 Ol i gat han olsem bilong man aninit long ol wing bilong ol long olgeta 4-pela sait, na olgeta 4-pela bilong ol i gat ol pes na ol wing. 9 Ol wing bilong ol i tatsim narapela narapela. Taim ol i go, ol i no save tanim; olgeta wan wan bilong ol i save go stret tasol.+

10 Pes bilong ol i luk olsem: Olgeta 4-pela i gat pes bilong man, na pes bilong laion+ long rait sait, na pes bilong bulmakau+ long left sait, na olgeta 4-pela i gat pes+ bilong tarangau.+