Buk Song
Tok i go long dairekta bilong Nehilot.* Devit i raitim dispela song.
5 Jehova, putim yau long tok bilong mi;+
Na kliagut long bel hevi bilong mi.
2 King na God bilong mi, putim yau long mi taim mi singaut long yu long helpim mi,
Long wanem, mi prea long yu.
3 Jehova, long moning bai yu harim nek bilong mi;+
Long moning bai mi kamapim tingting bilong mi long yu+ na wet long yu bekim.
4 Na God, yu no save amamas long pasin nogut;+
Ol man bilong mekim pasin nogut i no ken i stap wantaim yu.+
5 Yu no save larim ol hambakman i sanap long ai bilong yu.
Na yu nolaik tru long ol man i save mekim pasin nogut.+
6 Yu bai bagarapim ol man bilong mekim tok giaman.+
Jehova, yu nolaik tru long ol man bilong pait na kilim man i dai na ol man bilong giamanim ol arapela.*+
7 Tasol yu gat nambawan gutpela pasin laikim,*+ olsem na mi bai kam insait long haus bilong yu;+
Na long pasin bilong pret long yu, mi bai lukluk i go olsem long tempel holi* bilong yu na brukim skru long yu.+
8 Jehova, yu mas stiaim mi long bihainim stretpela rot bilong yu, long wanem, ol birua bilong mi i raunim mi.
Helpim mi long wokabaut long rot bilong yu na bai i no gat wanpela samting i pasim mi.+
9 I no gat wanpela tok bilong ol em man i ken trastim;
Ol i tingting tasol long bagarapim ol arapela;
Maus bilong ol i olsem matmat i op i stap;
Ol i save mekim planti tok gris long maus bilong ol.+
10 Tasol God bai tok ol i gat asua.
Na ol samting ol i tingting long mekim, bai mekim na ol i pundaun.+
Ol i bikhet long yu,
Na ol i gat planti sin, olsem na yu ken rausim ol i go longwe.
11 Ol man i go long yu bilong yu ken i stap ples hait bilong ol, ol i ken amamas,+
Oltaim ol bai singim song bilong amamas.
Na yu bai lukautim ol,
Ol manmeri i laikim nem bilong yu, ol bai amamas long yu.
12 Jehova, yu bai blesim ol stretpela man,
Yu bai orait long ol. Na yu bai banisim ol olsem bikpela hap plang bilong pait.+