Buk Song
99 Jehova i kamap King pinis.+ Ol manmeri i pret na guria.
Em i sindaun long sia king antap* long ol serap.*+ Na graun i guria.
2 Long Saion Jehova i kamapim ples klia olsem em i gat bikpela strong,
Em i stap antap tru long olgeta lain manmeri.+
3 Ol manmeri i mas preisim nem bilong yu i nambawan tru,+
Long wanem, nem bilong yu i holi na ol i mas rispek long en.
4 Yu strongpela king na yu save laikim tumas stretpela pasin.+
Oltaim yu bin mekim pasin i stret.
Na yu bin mekim stretpela pasin+ long lain bilong Jekop.
5 Litimapim nem bilong Jehova, em God bilong yumi+ na brukim skru* long ples em i putim lek long en;+
Em i holi.+
6 Moses wantaim Aron, tupela i bin i stap pris bilong em,+
Na Samuel tu em i wanpela bilong ol lain i bin singaut long nem bilong em bilong kisim helpim.+
Ol i bin prea long Jehova,
Na em i harim prea bilong ol.+
7 Em i stap long klaut na toktok long ol.+
Na ol i bihainim ol lo na tok em i givim long ol.+
8 Jehova, God bilong mipela, yu bin harim beten bilong ol.+
Yu yet yu God na yu save lusim rong bilong ol,+