Buk Song
Tok i go long dairekta; singim long nek ol i kolim “Plaua Lili Bilong Tingim Gen.” Singsing bilong Devit. Miktaim.* Song bilong skulim man. Devit i raitim dispela song taim em i pait long Aram-naharaim na Aram-Soba, na Joap i kam bek na kilim i dai 12,000 man bilong Idom long Veli Bilong Sol.+
60 O God, yu givim baksait long mipela; yu bin daunim mipela.+
Yu bin belhat long mipela; tasol nau yu mas orait gen long mipela!
2 Yu bin mekim graun i guria; yu brukim graun na bikpela hul i kamap.
Nau graun i laik bagarap olgeta, na yu mas stretim bek gen.
3 Yu mekim ol manmeri bilong yu i karim planti hevi.
Na yu mekim mipela i dring wain we i mekim mipela i no wokabaut stret.+
4 Yu mas putim* wanpela sain na bai ol man i pret long yu
Ol i ken ranawe i go long en na abrusim spia. (Selah)
5 Yu mas kisim bek mipela long rait han bilong yu na harim beten bilong mipela,+
Na bai ol man yu laikim tru, ol i ken abrusim bagarap.
6 God holi* i tok olsem:
“Mi bai amamas, mi bai givim graun bilong Sekem long ol manmeri bilong mi,+
Na mi bai givim Veli* Bilong Sukot+ long wanem lain em mi laik givim.
8 Moap em i olsem dis waswas bilong mi.+
Na Idom i olsem ples we mi bai tromoi sendol bilong mi long en.+
Mi bai winim ol Filistia na mi bai amamas na singaut.”+
9 Husat bai bringim mi i go long taun em ol i banisim?*
Na husat bai bringim mi i go long Idom?+
10 O God, yu tasol bai bringim mipela i go long hap! Tasol nau lukim, yu bin givim baksait long mipela,
God bilong mipela, yu no moa go wantaim lain ami bilong mipela.+
11 Yu mas helpim mipela long hevi bilong mipela.
Long wanem, pasin bilong bilip long ol man bai kisim bek mipela, dispela i no inap helpim mipela.+