Buk Song
Wanpela song.
Long rait han bilong em, long han bilong em i holi, em i bin kisim bek yumi.*+
2 Jehova i kamapim klia olsem em i save kisim bek ol man;+
Em i kamapim stretpela pasin bilong em long ai bilong ol lain manmeri.+
3 Em i tingim tok promis bilong em long mekim gutpela pasin laikim* long ol manmeri bilong Israel.+
Olgeta manmeri bilong graun i lukim God bilong yumi i kisim bek yumi.*+
4 Yupela ol manmeri bilong graun, amamas na singaut na litimapim nem bilong Jehova.
Amamas na singim ol song bilong preisim* em.+
5 Mekim musik long harp* na singim ol song bilong preisim* Jehova,
Yes mekim musik long harp na singim naispela song.
6 Winim ol trampet na kom bilong sipsip man,+
Na singaut na amamas long Jehova, em i King.
7 Solwara na olgeta samting i stap long en i mas mekim bikpela nois olsem tanda,
Na graun na olgeta samting i stap long en tu i mas mekim olsem.