Buk Song
Tok i go long dairekta. Devit i raitim dispela song.
20 Taim yu karim pen na hevi na yu singaut long Jehova, em i ken harim singaut bilong yu.
God bilong Jekop i ken lukautim yu taim yu singaut long nem bilong em.+
3 Em i ken tingim olgeta ofa em yu givim long em;
Na em i ken orait long* ofa bilong paia i kukim olgeta em yu givim long em. (Selah)
4 Em i ken givim yu olgeta samting em yu laikim tru long bel.+
Na em i ken mekim olgeta samting yu tingting long mekim i kamap gutpela.
5 Mipela bai singim song bilong amamas long wok bilong yu long kisim bek man;+
Mipela bai apim ol sain bilong litimapim nem bilong God bilong mipela.+
Jehova i ken inapim olgeta samting yu askim long en.
6 Nau mi save pinis, Jehova i save kisim bek man em yet i bin anointim.*+
Em i stap long ples holi bilong em long heven na i bekim singaut bilong em
Na em i kisim bek em* long rait han bilong em.+
7 Sampela man i bilip long ol karis na sampela man i bilip long ol hos,+
Tasol mipela i singaut long nem bilong Jehova em God bilong mipela.+
8 Ol i pundaun,
Tasol mipela i kirap na sanap gen.+
9 Jehova, yu mas kisim bek king!+
Em bai harim singaut bilong mipela long taim mipela i singaut long kisim helpim.+