Buk Song
Tok i go long dairekta. Devit i raitim dispela song.
21 Jehova, king i save amamas long strong bilong yu;+
Na em i belgut moa yet long pasin bilong yu long kisim bek man!+
2 Ol samting em i laikim, yu givim em,+
Na wanem samting em i askim yu long en, yu save givim long em. (Selah)
3 Yu givim em planti gutpela blesing;
Na yu putim kraun ol i wokim long gutpela gol long het bilong em.+
4 Em i askim yu long givim em laip, na yu givim em,+
Na yu mekim em i stap laip inap oltaim oltaim.
5 Pasin bilong yu long kisim bek man i mekim em i gat biknem moa.+
Na yu givim em strong na namba.
7 King i bilip tru long Jehova;+
Gutpela pasin laikim* bilong God Antap Tru i mekim na em i sanap strong.+
8 Han bilong yu bai holimpas ol birua bilong yu;
Rait han bilong yu bai kalabusim ol man i nolaik tru long yu.
9 Long taim yu makim bilong i kam, bai yu bagarapim ol long paia.
Jehova bai belhat long ol na bagarapim ol na paia bai kukim ol olgeta.+
10 Bai yu bagarapim lain tumbuna pikinini* bilong ol na bai ol i no inap stap moa long graun,
Na bai yu bagarapim lain pikinini bilong ol na ol bai i no inap stap moa namel long ol man.
13 O Jehova, kirap na soim strong bilong yu.
Mipela bai singim ol song bilong preisim* yu long bikpela strong bilong yu.