Buk Song
Tok i go long dairekta; yusim ol instramen i gat ol string na wokim musik. Singsing bilong Asap.+
3 Long dispela ples em i brukim ol spia i gat paia long en,
Na hap plang bilong pait na bainat na ol arapela samting bilong pait.+ (Selah)
4 Yu lait moa yet;*
Yu stap antap moa winim ol maunten i gat ol wel animal.
5 Ol i daunim ol strongpela man long pait na kisim ol samting bilong ol.+
Na ol dispela man i slip i dai pinis;
Ol soldia i no gat strong bilong sakim ol birua.+
6 God bilong Jekop, taim yu kros,
Ol man i sindaun long ol karis na ol hos, olgeta i slip i dai pinis.+
7 Yu wanpela tasol ol man i mas pret long yu na givim ona long yu.+
Na taim yu kros nogut tru, husat inap sanap long ai bilong yu?+
9 God i sanap na mekim kot,
Bilong kisim bek ol manmeri bilong graun em ol i gat pasin daun.+ (Selah)
10 Belhat bilong ol man bai mekim na yu kisim biknem;+
Na liklik hap bilong belhat bilong ol i stap yet, bai yu bilasim yu yet long en.
11 Yupela i mas mekim ol tok promis long Jehova, God bilong yupela, na inapim ol dispela tok promis,+
Olgeta manmeri i stap raunim em, ol i mas pret wantaim na bringim ol presen i kam long em.+
12 Em bai daunim ol lida i gat pasin antap;
Em bai mekim ol king bilong graun i pret long em.