Buk Song
Singsing bilong Devit.
108 O God, long bel bilong mi, mi bilip strong long yu,
Mi bai mekim musik na singsing bilong litimapim nem bilong yu long strong olgeta bilong mi.+
2 Yupela ol instramen i gat ol string; na ol harp.*+ Yupela i mas kirap. Na yupela i mas mekim musik.
Mi bai kirap long bikmoning.
3 O Jehova, mi bai litimapim nem bilong yu namel long ol manmeri,
Mi bai singim ol song bilong preisim* yu namel long ol lain pipol.
4 Gutpela pasin laikim* bilong yu i bikpela tru, mak bilong en i go antap inap long skai,+
Na pasin bilong yu long bihainim tok bilong yu i moa yet, mak bilong en i go antap inap long skai.
5 O God, mekim namba bilong yu i go antap moa winim heven;
Na biknem bilong yu i ken i stap antap moa winim graun.+
6 Yu mas kisim bek mipela long rait han bilong yu na harim beten bilong mi,+
Na bai ol man yu laikim tru, ol i ken abrusim bagarap.
7 God holi* i tok olsem:
“Mi bai amamas, mi bai givim graun bilong Sekem+ long ol manmeri bilong mi,
Na mi bai givim Veli* Bilong Sukot+ long wanem lain em mi laik givim.
9 Moap em i olsem dis waswas bilong mi.+
Na Idom i olsem ples we mi bai tromoi sendol bilong mi long en.+
Mi bai winim ol Filistia na mi bai amamas na singaut.”+
10 Husat bai bringim mi i go long taun i gat strongpela banis?
Na husat bai bringim mi i go long Idom?+
11 O God, yu tasol bai bringim mipela i go long hap! Tasol nau lukim, yu bin givim baksait long mipela,
God bilong mipela, yu no moa go wantaim lain ami bilong mipela.+
12 Yu mas helpim mipela long hevi bilong mipela.+
Long wanem, pasin bilong bilip long ol man bai kisim bek mipela, dispela i no inap helpim mipela.+