Jop
17 “Strong bilong mi i pinis, na taim bilong mi long i stap laip i pinis hariap tru.
Na matmat i wetim mi i stap.+
3 Mi laik bai yu tok promis long mi olsem yu bai helpim mi.
I no gat narapela man inap helpim mi.+
4 Yu haitim gutpela tingting long ol na ol i no kisim gutpela tingting.+
Olsem na yu no larim ol i win.
5 Sapos wanpela man i givim ol samting bilong em long ol pren bilong em,
Orait ai bilong ol pikinini bilong em bai i go insait bikos ol i hangre.
7 Ai bilong mi i no lait tumas, long wanem, mi bel hevi tru,+
Na bodi bilong mi olgeta i kamap bun nating.
8 Ol stretpela man i lukim ol dispela samting na ol i kirap nogut,
Na ol man i no gat asua i no amamas long ol man i no tingim God.*
9 Stretpela man bai wok yet long bihainim stretpela pasin,+
Na man i no gat asua bai i kamap strong moa.+
10 Orait yupela olgeta i ken kirapim gen ol tok pait bilong yupela,
Tasol i kam inap long nau, i no gat wanpela bilong yupela i kamapim ol tok i gat savetingting.+
11 Taim bilong mi i stap laip i laik pinis nau.+
Ol samting mi tingting long mekim na olgeta samting mi gat laik long en, i no inap kamap nau.+
12 Ol pren bilong mi i mekim ol tok giaman na ol i no mekim tok tru,*
Ol i tok, ‘Klostu tulait i laik kamap,’ tasol mi lukim tudak tasol.
13 Mi wet liklik haptaim moa, na Matmat* bai kamap haus bilong mi.+
Na mi bai wokim bet bilong mi long ples tudak.+
14 Mi bai singaut long matmat* olsem,+ ‘Yu papa bilong mi!’
Na mi bai singaut long ol liklik snek olsem, ‘Yu mama na susa bilong mi!’
15 Olsem na mi bai bilip na wet long wanem samting?+
I no gat wanpela inap tokim mi olsem gutpela samting bai painim mi.
16 Em* bai i go daun long ol geit bilong Matmat.*
Na mi tu bai i go daun long graun wantaim em.”+