Buk Song

Singsing Bilong Ol Man i Go Antap Long Taun.*

120 Mi gat bikpela hevi na mi singaut long Jehova,+

Na em i bekim singaut bilong mi.+

2 O Jehova, kisim bek mi long han bilong ol man bilong tok giaman

Na long han bilong ol man bilong mekim ol tok bilong giamanim ol arapela.

3 Yupela ol man i save mekim ol tok bilong giamanim ol arapela,+

God bai mekim wanem samting long yupela? Na hau bai em i mekim save long yupela?*

4 Em bai mekim save long yupela long ol spia bilong soldia+

Na long hatpela paia bilong diwai brum.*+

5 Sore long mi, mi man bilong narapela ples i sindaun long Mesek!+

Mi sindaun namel long ol haus sel bilong Kedar.+

6 Mi bin stap longpela taim tumas wantaim

Ol manmeri i no laikim tru pasin bilong sindaun gut wantaim ol arapela.+

7 Mi laik sindaun gut wantaim ol, tasol maski mi mekim wanem tok,

Ol i laik pait tasol.