Buk Song
Tok i go long dairekta. Wanpela singsing.
66 Yupela olgeta manmeri bilong graun, yupela amamas na singaut na litimapim nem bilong God.+
2 Singim ol song bilong preisim* nem bilong em i nambawan tru.
Na givim biknem long em na preisim em.+
3 Tokim God olsem: “Ol wok bilong yu i narakain na i mekim ol man i pret na givim ona long yu!+
Yu gat bikpela strong,
Olsem na ol birua bilong yu i pret na ol i surik long ai bilong yu.+
4 Olgeta manmeri bilong graun bai brukim skru long yu;+
Ol bai singim ol song bilong preisim yu;
Ol bai singim ol song bilong preisim nem bilong yu.”+ (Selah)
5 Yupela kam na lukim ol wok God i bin mekim.
Em i bin mekim ol wok i narakain tru namel long ol manmeri bilong em.+
Long dispela hap, mipela i bin amamas tru long em.+
7 Em i gat bikpela strong, na em i stap king oltaim oltaim.+
Na em i save lukim olgeta samting ol lain manmeri i mekim.+
Ol het strong lain i no ken litimapim nem bilong ol yet.+ (Selah)
8 Yupela olgeta manmeri, yupela i mas litimapim nem bilong God bilong yumi,+
Yupela litimapim nem bilong em na bai ol manmeri i harim.
9 Em i bin lukautim yumi na yumi bin stap laip;+
Em i no larim lek bilong yumi i wel na yumi pundaun.+
10 God, yu skelim mipela pinis;+
Na yu mekim mipela i kamap klin olsem silva ol i kukim long paia na i kamap klin.
11 Yu bin holimpasim mipela long umben bilong yu;
Yu putim bikpela hevi tru long mipela.*
12 Yu bin larim ol man i krungutim mipela;
Mipela i bin wokabaut long paia na wara.
Na yu bringim mipela i kam long ples em mipela inap sindaun gut.
13 Mi bai kam long haus bilong yu na givim ol ofa bilong paia i kukim olgeta;+
Mi bai inapim ol tok promis em mi bin mekim long yu,+
14 Em ol tok promis mi bin mekim long maus* bilong mi+
Na ol tok promis mi bin mekim taim mi bin karim pen na hevi.
15 Mi bai mekim ol ofa bilong paia i kukim olgeta long yu long rot bilong ofaim ol patpela animal.
Na yu bai smelim gutpela smel bilong sipsip man em mi sakrifaisim.
Mi bai ofaim ol bulmakau man na ol meme man. (Selah)
16 Yupela ol man i save pret long God, yupela kam na putim yau,
Na mi bai tokim yupela long ol samting em i bin mekim bilong helpim mi.+
17 Long maus bilong mi bai mi singaut long em
Na maus bilong mi bai litimapim nem bilong em.
18 Sapos long bel bilong mi, mi tingting long mekim pasin nogut,
Orait Jehova i no inap harim mi.+
20 Litimapim nem bilong God, em i no givim baksait long prea bilong mi
Na em i soim yet gutpela pasin laikim* long mi.