Song Bilong Solomon

7 “Lek bilong yu i luk nais tru insait long sendol bilong yu,

O pikinini meri husat i save redi long helpim ol arapela!

Seip bilong tais bilong yu i luk olsem ol gutpela bilas,

Em wanpela saveman i bin katim long ston.

Bel bilong yu i olsem wanpela hip wit,

Em ol plaua lili i raunim.

 3 Tupela susu bilong yu i olsem 2-pela yangpela dia,

Tupela twins bilong wanpela gasel.*+

Ai bilong yu+ i olsem ol raunwara long Hesbon,+

Klostu long geit bilong Bet-rebim.

Nus bilong yu i olsem taua bilong Lebanon,

I lukluk i go olsem long Damaskus.

 5 Het bilong yu i antap moa olsem Maunten Karmel,+

Na gras bilong yu+ i olsem pepol wul.+

 6 Yu luk nais tumas, na yu gutpela tru,

O meri mi laikim tumas, yu winim tru olgeta naispela samting!

 7 Yu longpela olsem wanpela diwai pam,

Na susu bilong yu i olsem ol pikinini bilong diwai pam.+

 8 Mi tok, ‘Mi bai go antap long diwai pam

Na kisim ol pikinini bilong en.’

Susu bilong yu i olsem ol rop greip,

Maus bilong yu i smel nais olsem ol apol,

 9 Maus bilong yu i olsem nambawan wain.”

“Em gutpela pren bilong mi i ken daunim i go daun gut,

Na i ron isi antap long lips bilong ol man i slip.

10 Mi bilong gutpela pren bilong mi,+

Na laik bilong em i stap long mi tasol.

11 Kam, O gutpela pren bilong mi,

Yumi go long ol ples ausait long taun;

Yumi go stap namel long ol plaua hena.*+

12 Yumi ken kirap long moningtaim tru na go long ol gaden wain

Bilong lukim sapos rop wain i putim plaua,

Sapos ol nupela plaua i op,+

Bilong lukim sapos ol diwai pomigranet* i putim plaua+ o nogat.

13 Ol mendreik*+ i smel nais tru;

I gat olkain gutpela prut i stap klostu long dua bilong yumi.+

Sampela mi bin kisim bipo na sampela nau tasol mi kisim,

O gutpela pren bilong mi, mi bin putim i stap bilong yu.