Buk Song
Singsing bilong dediketim haus. Devit i raitim dispela song.
30 Jehova, mi bai litimapim nem bilong yu, long wanem, yu kisim bek mi;
Na yu no larim ol birua bilong mi i amamas long mi kisim hevi.+
2 Jehova, God bilong mi, mi krai long yu helpim mi, na yu mekim mi i kamap orait pinis.+
3 Jehova, yu apim mi i kam antap lusim Matmat.*+
Na yu larim mi i stap laip; na yu no larim mi i go daun long matmat.*+
4 Singim ol song bilong preisim* Jehova, yupela ol manmeri i stap gut long em,+
Givim tok tenkyu long nem holi bilong em.+
5 Taim em i belhat long wanpela man, belhat bilong em i save stap sotpela taim tasol,+
Tasol man em i orait long en, em bai mekim gut long dispela man long laip olgeta bilong em.+
Aiwara i ken kam daun long apinun tru, tasol long moningtaim bai singaut na amamas i kamap.+
6 Taim mi no gat hevi, mi tok olsem:
“I no gat wanpela samting bai sakim mi liklik.”
7 Jehova, taim yu orait long mi, yu mekim mi i sanap strong olsem maunten.+
Tasol taim yu haitim pes bilong yu, mi pret nogut tru.+
8 Jehova, mi wok long singaut long yu;+
Na mi wok long askim Jehova long helpim mi.
9 Sapos mi dai, wanem gutpela samting bai kamap? Na sapos mi go daun long matmat,* dispela bai helpim husat?+
Olsem wanem? Das bai litimapim nem bilong yu, a?+ Na ating em bai stori long yu save mekim gut long em, a?+
10 Jehova, yu mas harim mi na mekim gut long mi.+
Jehova, yu mas helpim mi.+
11 Yu senisim krai sori bilong mi i kamap danis;
Yu rausim klos bilong mi long krai sori, na putim amamas long mi olsem klos,
12 Olsem bai mi singim song bilong preisim yu na mi no inap pasim maus.
Jehova, God bilong mi, mi bai preisim yu inap oltaim oltaim.