Buk Song
Tok i go long dairekta. Singsing bilong ol pikinini man bilong Kora.+
47 Yupela olgeta manmeri, paitim han bilong yupela.
Na litimapim nem bilong God na singaut amamas.
2 Jehova, em i God Antap Tru, na ol man i mas pret long em na givim ona long em;+
Em i bikpela King i bosim olgeta hap bilong graun.+
3 Em i save daunim ol pipol na putim ol i stap aninit long yumi;
Em i save putim ol kantri aninit long lek bilong yumi.+
4 Em i makim graun bilong givim long yumi,+
Em samting, Jekop, dispela man em i laikim, i amamas long en.+ (Selah)
5 God i go antap long ples bilong em na ol manmeri i amamas na singaut;
Jehova i go antap na ol manmeri i winim kom bilong sipsip man.
6 Singim ol song bilong preisim* God, singim ol song bilong preisim em.
Singim ol song bilong preisim King bilong yumi, yes, singim ol song bilong preisim em.
7 God i stap King bilong olgeta hap bilong graun;+
Singim ol song bilong preisim em na mekim long pasin i stret.
8 God i stap King bilong olgeta lain manmeri.+
God i sindaun long sia king bilong em i holi.
9 Ol lida bilong ol lain manmeri i bung wantaim
Ol manmeri bilong God bilong Abraham.
Long wanem, ol king* bilong graun i bilong God.
Em i stap antap tru.+