ASKIM 2
Hau bai yu inap kisim save long God?
“Ol tok bilong buk bilong Lo i no ken lusim maus bilong yu. Long san na long nait, yu mas ritim isi isi, olsem bai yu inap bihainim olgeta tok i stap long dispela Lo. Sapos yu mekim olsem, orait olgeta samting yu mekim bai kamap gutpela na yu bai bihainim savetingting.”
“Ol i wok long ritim strong dispela buk, em Lo bilong God tru, na ol i kamapim klia ol tok bilong en na mining bilong en; long dispela rot ol i helpim ol manmeri long kliagut long ol tok em ol i ritim.”
“Man i no save bihainim ol tok bilong man nogut . . . dispela man i ken amamas. . . . Dispela man i save amamas long lo bilong Jehova, na em i save ritim isi isi dispela lo long san na long nait. . . . olgeta samting em i mekim i save kamap gutpela.”
“Filip i ran i go klostu na em i harim dispela man i ritim strong buk bilong profet Aisaia, na em i tok: ‘Yu save long samting yu wok long ritim?’ Dispela man i tok: ‘Hau bai mi save sapos i no gat man i skulim mi?’”
“Kirap long taim God i wokim olgeta samting na i kam inap long nau, ol man i lukim ol samting God i bin wokim na long dispela rot ol inap save long ol pasin bilong em i stap hait. Na ol i save long bikpela strong bilong em i stap oltaim na ol i save olsem tru tru em i God. Olsem na i no gat eskius long ol i tok ol i no save long em.”
“Yu mas tingting strong long ol dispela samting; na givim yu yet olgeta long dispela samting, na bai olgeta manmeri i ken lukim klia olsem yu wok long kamap strong moa.”
“Yumi wan wan i mas tingim narapela narapela, na kirapim ol long mekim pasin laikim na mekim ol gutpela wok. Yumi no ken lusim pasin bilong bung wantaim.”
“Sapos wanpela bilong yupela i sot long savetingting, orait em i mas wok yet long askim God, na God bai givim long em. Long wanem, God i save amamas long givim planti samting long ol man na em i no save krosim ol taim em i mekim olsem.”