Pes 2

Long Jun 1988 wanpela samting i kamap na Misin Katolik i bruk—insait long wan handet yia i go pinis, em namba wan taim dispela samting i bin kamap insait long Misin Katolik. Misin i rausim wanpela asbisop nem bilong em Lefebvre, em i strong long bihainim ol olpela lo bilong Misin Katolik. Wanpela yia bihain long en, dispela asbisop i bin bikhet long Misin em i tok lain bilong em i go bikpela inap olsem 10 i go inap 20 pesen.

Orait planti handet tisa bilong lotu insait long Misin Katolik ol i raitim nem bilong ol long wanpela pepa i tokaut olsem i no stret long pop tasol i gat namba long makim ol nupela bisop na makim ol lo bilong bilip em ol Katolik i mas bihainim, olsem pasin bilong pasim bel na bai pikinini i no ken kamap.

Long ol samting bilong politik, ol Katolik i bruk tru​—sampela i strong tru long ol lo bilong gavman i mas i stap olsem, tasol sampela i strong long senisim sampela lo bilong gavman i save daunim na mekim nogut long sampela lain na ol i stap rabis, na sampela i tok strong long mekim pait bilong daunim gavman. Ating sampela Katolik i tingting planti long ol dispela samting i kamap na i brukim misin bilong ol.