Pes 2

Dispela graun em i ples bilong olgeta lain, na ol i mas i gat wankain samting bilong i stap laip, na ol i gat wankain laik long ol samting ol i laik kisim.

Tasol bipo yet na i kam inap nau, olgeta lain i no stap wanbel. Ol i gat narapela narapela skin na pasin, na dispela i mekim na ol i bruk na i no pas gut wantaim. Ol i tok pait long wanem lain i win, na ol man bilong narapela skin i laik daunim ol man bilong narapela skin. Long dispela Kirap! bai yumi stori long ol man bilong narapela narapela skin na olsem wanem yumi ken save, pasin bilong narapela lain i bel nogut na birua long ol narapela lain em bai pinis olgeta.