Bilong Mekim Gut Bel Bilong Man i Gat Hevi

Wanpela man bilong Baltimor, long Merilan, Amerika, em i salim dispela pas i kam. Em i tok:

“Mi laik bai yu salim buk long mi i gat 192 pes, nem bilong en ‘Yumi Bilong i Stap Nau Tasol?’ Mi laik kisim tupela buk olsem, long wanem, mi laik givim wanpela long pren bilong mi. Mi bin lukim nem bilong dispela buk long wanpela liklik nius em wanpela man i bin putim aninit long dua bilong mi. Nem bilong nius, ‘I Gat Gutpela Samting Bai Painim Ol Man i Dai Pinis?’ Nau tasol poroman [marit] bilong mi em i dai. Mipela bin i stap wantaim inap 35 yia na mi laikim em tumas. Taim mi kaunim dispela nius, tok bilong en i mekim gut bel bilong mi. Olsem na mi no laik brukim hap bilong nius i gat nem bilong buk na atres i stap long en, nogut mi bagarapim. Tenkyu tru long ol hatwok bilong yupela. Kirap long dispela taim, bai mi kaunim olgeta buk samting yupela i save wokim.”

Yumi ken amamas, long wanem, i gat gutpela samting bai painim ol man i dai pinis. Bilong save long dispela gutpela samting, yu ken kaunim buk Yumi Bilong i Stap Nau Tasol? na dispela liklik nius I Gat Gutpela Samting Bai Painim Ol Man i Dai Pinis? Raitim nem na atres bilong yu long blok daunbilo na salim i kam long atres i stap daunbilo tru, na bai ol i toksave long yu long rot bilong kisim dispela buk.

Mi laik kisim dispela buk Yumi Bilong i Stap Nau Tasol? na liklik nius I Gat Gutpela Samting Bai Painim Ol Man i Dai Pinis? (Sapos yu stap ausait long P.N.G. na yu laik kisim sampela save moa, raitim pas long ofis bilong Watch Tower. Lukim ol atres long pes 5.)