Tingting Bilong Wanpela Loya Long i Stap Bilong Yumi

PLANTI milion man i tingting planti long laip bilong olgeta samting i kamap olsem wanem, na yumi kamap nating long rot bilong ol animal samting, o olsem wanem? Long 1985 ol i kamapim wanpela buk i gat 256 pes, na nem bilong en long tok Inglis: Life​—How Did It Get Here? By Evolution or by Creation? Ol man i raitim dispela buk i bin skelim gut olgeta samting bilong bekim dispela tupela askim. Ol i bin prinim 26 milion samting bilong dispela buk long 28 tok ples. Wanpela loya i amamas long kaunim dispela buk na em i salim pas na tok olsem:

‘Insait long tupela yia mi bin kaunim dispela buk 4-pela taim, na taim mi kaunim kaunim mi kirap nogut tru long ol tok na bikpela save long en, i no olsem wanpela buk nating.

‘Em gutpela sapos yupela wok yet long prinim dispela buk. Na i gutpela sapos olgeta man long dispela graun i gat wanpela. Sapos olsem, i no gat wanpela man inap ting i no gat God, o i no gat wanpela man i no save yumi kamap olsem wanem.

‘Mi bin skul gut na kisim bikpela namba long ol samting bilong kot na wok loya, na long ol samting bilong gavman na wok politik, na long ol stori bilong ol samting ol man i bin mekim long bipo na i kam inap long nau, na mi no inap tingim wanpela buk i kamapim save olsem dispela buk bilong yupela.’

Sapos yu laik kisim sampela save moa long as bilong i stap bilong yumi na ol narapela samting long dispela graun na bilong wanem yumi stap, raitim pas long I.B.S.A., Box 636, Boroko, N.C.D., Papua New Guinea, o long atres i stret long yu long pes 5.