“Yupela Save Tingim Tru Ol Man”

Wanpela man long Kalifonia i bin tok olsem. Em i save amamas long kaunim ol buk samting bilong Sosaiti Was Taua. Long buk Nambawan Man Tru i Winim Olgeta Narapela Man em i bin tok olsem:

‘Mi kirap kaunim dispela buk long namba tu taim, na mi amamas tru long kaunim gen. Dispela buk i skulim gut ol man na em i gat ol gutpela piksa. Taim mi lukim ol dispela piksa mi ting mi yet i stap long taim bilong Jisas.

‘Olsem: Long piksa bilong man i gat spirit nogut, em i olsem wel moa moa yet. Tasol Jisas i no pret, em lusim bot na kamap long nambis, na rausim ol spirit nogut i bosim dispela man . . .

‘Olgeta piksa long ol hetman bilong lotu Juda, em ol man i no laikim Jisas, ol i gutpela piksa tru. Long piksa yumi inap lukim pes bilong man i belhat na em i no laik lusim pasin nogut bilong em. Mi inap kamapim planti tok moa long dispela gutpela buk . . . Yupela save tingim tru ol man . . .

‘Mi no wanpela Witnes Bilong Jehova tasol mi amamas long kaunim Wastaua na Kirap! Taim ol i kamap long mi ol i winim ol narapela pas mi save kisim . . .

‘Mi gat 35 krismas na nau mi save pasin bilong dispela graun i go nogut olgeta. Mi amamas tru long yupela i save raun na tokim ol man long dispela samting na tokim ol long tingting bilong God long pasin bilong dispela graun.’

Winim 4 milion Witnes Bilong Jehova i stap long olgeta hap, na ol i givim bel long lainim ol man long ol samting God i laik mekim. Sapos yu laik kisim sampela save moa, o yu laik bai wanpela i kam lukim yu long haus na lainim yu long ol tok bilong Baibel, no gat pe, orait raitim pas long I.B.S.A., Box 636, Boroko, N.C.D., Papua New Guinea, o lukim atres long pes 5 em i stret long yu.

[Piksa long pes 32]

THE GREATEST MAN WHO EVER LIVED