‘I Olsem Mi Lukim Piksa Wokabaut Long i Stap Bilong Jisas’
Taim wanpela meri long Frans i kaunim buk Nambawan Man Tru i Winim Olgeta Narapela Man, em i tok, i olsem em i lukim wanpela piksa wokabaut long i stap bilong Jisas. Buk i stori long olgeta samting i bin painim em long taim em i bin stap long graun, olsem Matyu, Mak, Luk, Jon i stori long en. Na wanem samting i kamap pastaim, na wanem samting i kamap bihain, em buk i putim ol stori olsem. Dispela meri i tok:
‘Taim mi kaunim pinis dispela buk, mi pilim olsem Jisas i bin singautim mi long bung wantaim em, na stap klostu long em, na amamas wantaim em, na kisim save long tingting tru i stap long bel bilong em. Tru tumas, i olsem Jisas i laik bai mi save long olgeta wok bilong em taim em i stap long graun. Ol naispela piksa i save kamapim tru pasin na tingting bilong Jisas na ol man i save bung wantaim em. Taim mi kaunim dispela buk olgeta, i olsem mi bin lukim wanpela piksa wokabaut long i stap bilong Jisas.’
Sapos yu laik kisim dispela buk i gat 448 pes na strongpela karamap, o sapos yu laik bai wanpela man i lainim yu long tok bilong Baibel long haus bilong yu yet, nogat pe, salim pas na toksave long IBSA, Box 636, Boroko, N.C.D., o lukim atres i stret long yu long pes 5.
[Piksa long pes 32]
NAMBAWAN MAN TRU I WINIM OLGETA NARAPELA MAN