“Mi No Gat Tupela Tingting Moa”

EM TOK bilong wanpela yangpela bilong Meksiko taim em i kaunim sampela stori bilong Kirap! Em i raitim pas na i tok: “Mi gat 17 krismas na mi save go long haiskul. Mi laikim tru ol nius bilong yupela. Mi bin kaunim inap 3-pela yia, na mi wok long bungim tu.

“Mi no wanpela Witnes Bilong Jehova, na famili bilong mi olgeta ol i Katolik, olsem na mi pret long i go long ol miting. Mi no save kisim ol nius oltaim, long wanem, ol Witnes i no save kam long haus bilong mi olgeta taim, o taim ol i kam mi no stap, na famili bilong mi i no save kisim. Long dispela as mi raitim pas bilong askim yupela long salim ol nius long tok Inglis na long tok Spen tu.

“Ol stori bilong yupela i bin helpim mi long skul, olsem ol stori long wel i kapsait (Septemba 22, 1989, tok Inglis), ol man i stap long ples antap (Novemba 8, 1990), ol dainaso (Februeri 8, 1990, tok Inglis), na planti moa. Ol i helpim mi long kisim ol save mi wok long painim, na mi no gat tupela tingting moa.

“Mi save amamas long kaunim ‘Ol Yangpela i Laik Save . . .’ long Kirap!, long wanem, em i helpim mi long i stap bilong mi long olgeta de na i helpim mi long stap gut wantaim ol narapela yangpela.”

Sapos yu laik kisim wanpela Kirap! long rot bilong posofis, orait raitim pas long IBSA, Box 636, Boroko, N.C.D., o lukim atres i stret long yu long pes 5.