‘Ol Gutpela Stori Tru’

Wanpela meri bilong Kalifonia, Amerika, i save kaunim ol nius bilong Sosaiti Was Taua na em i salim pas long ol bilong tok tenkyu. Em i tok:

‘Nius Kirap! (tok Inglis) i bin stori long “Loneliness​—What You Can Do About It” (Septemba 22, 1993). Dispela stori i mekim na mi laik raitim dispela pas na tokim yupela, ol nius i save kam nau, mi amamas tru long kaunim. Yupela stori gutpela tru long ol samting, na dispela stori long pasin bilong stap wanpis em wanpela bilong ol dispela gutpela stori. Mi amamas yupela i tok stret. Sapos wanpela man o meri i pilim olsem em i stap wanpis, em yet i mas mekim sampela samting bilong winim dispela hevi. Tru tumas, ol dispela stori i kamapim bikpela sori bilong Jehova na em i save tingim gut lain bilong em.’

Ol Witnes Bilong Jehova i save tilim nius Wastaua na Kirap! long olgeta hap. Wastaua i save kamapim ol tok bilong Baibel long ol bikpela tok ol man i laik save long en. Ol i prinim dispela nius long 120 tok ples, na long olgeta nupela nupela nius, ol i prinim 16 milion. Nius Kirap! i skulim yumi long planti samting. Ol i prinim dispela nius long 75 tok ples, na long olgeta nupela nupela nius, ol i prinim klostu 13 milion.

Sapos yu laik kisim wanpela bilong tupela nius, lukim ol Witnes Bilong Jehova long Haus Kingdom klostu long hap bilong yu, o raitim pas long atres i stret long yu long pes 5.