Ol Man Bilong Graun Bai Abrusim Bagarap o Nogat?

Dispela askim bilong kirapim tingting bilong ol man, em i nem bilong wanpela liklik nius ol Witnes Bilong Jehova i save tilim. Long 1994 wanpela man bilong Wosington i kisim dispela liklik nius na em i tok dispela nius i kirapim tru tingting bilong em. Em i tok:

“Man i save sindaun long nambawan biktaun bilong mipela long Amerika em i save, tru tumas pasin bilong dispela graun bai pinis. Kantri Noten Aialan, na kantri em bipo ol i kolim Yugoslavia, na ol kantri bipo Soviet Yunion i bosim, olgeta i kamapim klia, ol pasin nogut na pait i stap long graun long nau. Ol haus kalabus i pulap na no gat spes moa, ol nupela kain sik bilong sik TB na blak det, olgeta dispela samting i truim ol tok i stap long liklik nius bilong yupela.”

Dispela man i tok: “Plis salim sampela tok moa bilong givim save long mi long narapela kain tingting bilong yupela, na long pasin bilong yupela long stadi Baibel wantaim ol man, no gat pe.”

Ol Witnes Bilong Jehova i save stiaim tingting bilong ol man long tok bilong Baibel long ol samting bai kamap bihain. Sapos yu laik kisim dispela liklik nius o yu laik wanpela Witnes i kam long haus bilong yu na lainim yu long tok bilong Baibel, raitim pas long IBSA, Box 636, Boroko, NCD 111, Papua New Guinea, o lukim atres i stret long yu long pes 5.