Tupela Nius i Helpim Ol Man Long Nau

Em nius Wastaua na Kirap!​—ol i wokim 58 milion long olgeta mun long 100 samting tok ples. Wanpela man i save amamas tru long kaunim na em i raitim pas na i tok:

“Tenkyu tru long yupela i raitim ol stori i helpim ol man long ol hevi i painim tru planti long nau.” Na em i tok:

“Las de i kam klostu na ol man i sot long man bilong sori long ol, na pilim hevi bilong ol, na givim gutpela tingting long ol long karim ol hevi. Long nau planti Wastaua na Kirap! i kolim ol samting i mekim na man inap pundaun . . .

“Planti man i laik mekim pasin i stret, tasol ol i hatwok, long wanem, ol i kros, na ting ol i gat asua, na bel hevi, na pret, na sem, na ol i no tingting gut, na ol i pilim olsem ol i no gat rot bilong helpim ol yet. Ol stori yupela i raitim i helpim ol long kirap gen long bosim gut sindaun na bel na tingting bilong ol . . .

“Mi laik tok tenkyu tru long yupela long Kirap! bilong Septemba 8, 1994 i stori long ‘Tupela Marit i Mas Toktok Gut Wantaim.’ Yupela i no toktok nating olsem man na meri i mas toktok gut wantaim; yupela i stori long ol samting i mekim na narapela i no save gut long tingting bilong narapela. Yupela i helpim tru ol manmeri na strongim marit, em samting God i kamapim.”

Sapos yu laik bai ol i salim Wastaua na Kirap! long yu long rot bilong posofis, plis salim pas na toksave long IBSA, Box 636, Boroko, NCD 111, o lukim atres i stret long yu long pes 5.