Ol Yangpela i Kamapim Amamas Bilong Ol

OL YANGPELA yu lukim long piksa hia, olgeta i sumatin bilong wanpela haiskul long Naijiria. Long wanpela pas ol dispela sumatin i salim long brens-ofis bilong ol Witnes Bilong Jehova long Naijiria, ol i tok: “Mipela i laik tok tenkyu long yupela long tingim mipela ol yangpela na yupela i wokim dispela buk Sampela Askim Bilong Ol Yangpela​—⁠Ol Gutpela Bekim.

“Dispela buk i bin helpim mipela long sakim ol samting bilong graun em i laik pulim mipela na long daunim tok bilong ol bilip giaman. Buk i stori long planti samting em ol yangpela i save tingting planti long en, na ol tok bilong stretim tingting bilong ol em Baibel i as bilong en. Hap i stori long ol wanlain inap pulim mipela ol yangpela, i bin helpim mipela long kisim ol gutpela save bilong Baibel long wokabaut wantaim ol man i gat gutpela tingting, na no ken bung wantaim ol man i no gat gutpela tingting. Ol narapela sumatin long skul bilong mipela i kirap nogut long olsem wanem mipela inap givim bel long narapela na olsem wanem mipela inap pas gut wantaim na i stap bel isi.

“Long olgeta taim mipela i save wok long kamapim ol gutpela pasin taim mipela i stap namel long ol sumatin long skul bilong mipela, na wok strong long autim tok long ol sumatin husat i laik harim tok bilong mipela long ol gutpela samting Kingdom bai mekim, maski sampela i laik pulim mipela long mekim ol pasin i no stret.”

Ol i sainim dispela pas olsem: “Ol yangpela Witnes Bilong Jehova, long skul All Saints Secondary, Aba, Provins Abia, long Naijiria.”

Sapos yu laik kisim buk Sampela Askim Bilong Ol Yangpela​—⁠Ol Gutpela Bekim o yu laik bai wanpela i kam lukim yu long haus na lainim yu long ol tok bilong Baibel, no gat pe, orait raitim pas long IBSA, Box 636, Boroko, NCD 111, Papua New Guinea, o lukim atres long pes 5 em i stret long yu.