“Ol Liklik Pikinini i Save Litimapim Nem Bilong Yu”
Wanpela meri bilong Balito, Natal, long Saut Afrika, i kamapim amamas bilong em long buk Baibel Stori Buk Bilong Mi na em i raitim pas olsem:
“Wanpela liklik ankol bilong mi, nem bilong em Rudi Naidoo, em i gat wanpela yia na hap krismas tasol, na taim em i lukim ol piksa long buk em inap kolim nem bilong klostu olgeta manmeri i stap long ol piksa. Em inap tokim yu tu long ol samting ol manmeri long piksa i mekim. Olsem: Stori namba 11 i gat piksa bilong Noa i mekim ofa. Rudi bai tok olsem, ‘Noa—beten Jehova.’
“Taim mipela i askim em Josua i mekim wanem long stori 49, Rudi i sanap olsem Josua long piksa, na em i tok, ‘San sanap i stap!’ Em i no inap kolim stret ol tok, tasol em inap mekim long naispela pasin bilong em yet.
“Mi laik tok tenkyu gen long yupela long dispela gutpela buk tru. Ol liklik pikinini inap kamapim sampela stori em ol bikpela manmeri i no save long en. Tok bilong Jisas long Matyu 21:16 i tru olgeta: ‘Ol liklik pikinini i save litimapim nem bilong yu.’ ”
Sapos yu laik kisim buk Baibel Stori Buk Bilong Mi o yu laik bai wanpela i kam long haus bilong yu na toktok wantaim yu long olsem wanem save bilong Baibel inap helpim yu, orait raitim pas long IBSA, Box 636, Boroko, NCD 111, Papua New Guinea, o lukim atres long pes 5 em i stret long yu.