Gutpela Wok Bilong Wanpela Nius Kirap!

Long Ogas 1993, wanpela man bilong Sau Paulo, long Brasil, em i painim wanpela nius Kirap! long dram pipia. Em i bin amamas long kaunim, na bihain em i raitim pas long Sosaiti Was Taua long Brasil. Em i tok: “Plis salim sampela tok long pasin bilong mekim Baibel-stadi i no gat pe, i kam long mi. Mi save em bai helpim mi tru.”

Ol i salim dispela pas bilong man i go long wanpela kongrigesen bilong ol Witnes Bilong Jehova klostu long hap man i stap long en. Ol i go lukim dispela man, na ol i kirapim Baibel-stadi wantaim em. Long Septemba 1995, man i kamapim dediket bilong em long God, na em i kisim baptais long wara long wanpela kibung bilong ol Witnes.

Yumi no ken ting ol gutpela tok bilong wanpela Kirap! i no inap helpim man. Ol tok i stap insait long en i save helpim tru olgeta wan wan man. Sapos yu laik kisim dispela nius long olgeta taim, askim wanpela Witnes Bilong Jehova o raitim pas long atres i stret long yu long pes 5.