“Mi Mas i Gat Samting Bilong Strongim Mi na Gutpela Samting Long Wetim”
Sampela taim yu save pilim olsem? Planti man long nau i save pilim olsem. Wanpela meri long Fot Smit, Akansas, em i bin raitim pas long nambawan ofis bilong ol Witnes Bilong Jehova long Bruklin, Nu Yok, na em i tok:
“Buk bilong yupela, em Save i Bringim Man Long Laip Oltaim, i gutpela na i kirapim tingting. Insait long tupela de tasol mi kaunim buk olgeta. Mi kisim save olsem, klostu nau nupela graun em Krais Jisas i bosim na Baibel i tok promis long en, em bai kamap. Mi wetim dispela taim.
“Inap long dispela taim i kamap, mi mas mekim ol samting bilong lukautim mi yet. Mi save bel hevi tru long i stap bilong mi long nau. Mi mas i gat samting bilong strongim mi na gutpela samting long wetim. Yupela i tok, sapos mi laik, long rot bilong oganaisesen bilong yupela mi inap kisim Baibel-stadi i no gat pe. Plis tokim mi long mi mas mekim wanem bilong kisim stadi. Ating dispela Baibel-stadi bai strongim mi.”
Sapos yu laik kisim wanpela buk Save i Bringim Man Long Laip Oltaim o yu laik bai wanpela i mekim Baibel-stadi wantaim yu, salim pas long IBSA, Box 636, Boroko, NCD 111, Papua New Guinea, o lukim atres long pes 5 em i stret long yu.