“Ol Gutpela Save i Pulap Tru Long En”

Wanpela man i wok long nius THENEWS bilong Lagos, Naijiria, em i raitim pas long brens-ofis bilong ol Witnes Bilong Jehova long dispela kantri na em i stori long Kirap! olsem het-tok i stap antap i makim. Em i tok:

“Long olgeta taim mi kaunim wanpela Kirap!, mi laik raitim pas long yupela. Tasol taim mi laik kirap raitim pas planti taim narapela gutpela Kirap! i kamap, na mi laikim tumas dispela Kirap! tu.

“Long tingting bilong mi, Kirap! em i wanpela samting ol gutpela save i pulap tru long en. I no planti taim mi lukim wanpela nius i gat planti gutpela save i pulap long en, olsem nius Kirap!, em i stori stret long olgeta samting, na i gat ol piksa i gat gutpela kala kala long en em ol i wokim gut tru. Man! Em gutpela presen tru bilong ol man, na i no gat bikpela pe long en.

“Bel bilong mi i kirapim mi long mekim dispela tok: Mi laik tok tenkyu planti planti taim long yupela. Yupela mas wok yet long mekim dispela gutpela wok.”

Mipela save olsem yu tu inap kisim gutpela samting taim yu kaunim Kirap! Sapos yu laik kisim narapela Kirap! o yu laik bai wanpela i kam long haus bilong yu na stori wantaim yu long ol tok bilong Baibel, plis raitim pas long IBSA, Box 636, Boroko, NCD 111, Papua New Guinea, o lukim atres i stap long pes 5 em i stret long yu.