Em i Laikim Tru Wastaua

Wanpela sumatin i stap long gret 6, long Toledo, Ohaio, long Amerika, em i raitim pas olsem: “Maski mi wanpela Katolik, mi laik kisim sabskripsen long gutpela nius bilong yupela. Trevor i kirapim tingting bilong mi long kaunim Wastaua. Em i sindaun klostu long mi long klas-rum. Inap wanpela yia mitupela i poroman wantaim, na em i lainim mi long planti samting long Jisas, Jehova, na long ol Witnes Bilong Jehova.

“Trevor em i wankrismas bilong mi, na longpela bilong mitupela i wankain, na em i givim bel tru long lotu bilong em. Em i gat sabskripsen bilong Wastaua na em i givim wanpela nius bilong em long mi. Mi laikim tru ol gutpela stori yupela i raitim. Maski mi no wanpela Witnes, tasol mi laik kisim sabskripsen long nius bilong yupela.”

Ol manmeri bilong planti kantri na lotu long olgeta hap bilong graun ol i amamas long kaunim Wastaua na Kirap! Long yia i go pinis, ol i prinim planti Wastaua na Kirap!, winim 900 milion long 120 samting tok ples!

Taim yu kaunim Wastaua na Kirap! long olgeta taim dispela bai helpim yu tu. Sapos yu laik kisim wanpela o yu laik bai wanpela Witnes i kam long haus na stadi wantaim yu long Baibel, no gat pe, orait raitim pas long IBSA, Box 636, Boroko, NCD 111, Papua New Guinea, o lukim atres long pes 5 em i stret long yu.